باڵیۆزی ئەمەریكا: هێرشەكان توانای عێراق لاواز دەكات

عێراق
630 جار خوێندراوه‌ته‌وه

بۆكس هەواڵ ـ

باڵیۆزی ئەمەریكا لە عێراق رایگەیاند، سەركۆنەی هێرشەكانی ئەم دواییەی كۆمپانیا ئەمریكی و نێودەوڵەتییەكان دەكات. 

 ئڵینا رۆمانۆڤسكی، باڵیۆزی ئەمەریكا لە عێراق لە راگەیەندراوێكدا لە هەژماری تایبەتی خۆی لە پلاتفۆڕمی ئێكس بڵاویكردەوە:" سەركۆنەی ئەو هێرشە توندوتیژانەی ئەم دواییەی سەر كۆمپانیا نێودەوڵەتی و ئەمریكا لە عێراق دەكەین و داوا لە حكومەتی عێراق دەكەین بە تەواوی لێكۆڵینەوە لەو كەسانە بكات كە بەرپرسیارن لە هێرشەكان و ئەوانەی بەرپرسن لەبەردەم دادگادا سزا بدرێن و رێگری لە هەر هێرشێكی داهاتوو بگرێت". 

ئاماژەی بەوەشكردووە:" ئەم هێرشانە ژیان و موڵكی عێراقییەكان دەخەنە مەترسییەوە و دەتوانێت توانای عێراق لاواز بكات لە راكێشانی وەبەرهێنانی بیانیدا بۆ نێوخۆی وڵات".

ئەوەشیخستەڕوو:" ئێمە بەردەوام پابەندین بە هاوبەشی گشتگیری نێوان ئەمەریكا و عێراق بۆ بنیادنانی دەرفەت و خۆشگوزەرانی ئابووری بۆ هەموو عێراقییەكان".