بۆكس ھەواڵ ـ 

بافڵ تاڵەبانی، سەرۆکی یەکێتیی نیشتمانیی کوردستان لە واشنتن، لە یادی دامەزراندنی یەکێتیی مامۆستایانی کوردستاندا رایگەیاند: "یادی 62 ساڵەی دامەزراندنی یەكێتیی مامۆستایانی كوردستان پیرۆزبێت و لەدڵەوە هیوای بەردەوامی و سەركەوتنیان بۆ دەخوازم".

باسی له‌وه‌شكردووه‌، مامۆستایانی کوردستان جگە لەوەی پێشەنگبوون لە پرۆسەی فێركردن و پێگەیاندنی نەوەیەكی هۆشیار و داهێنەر،رۆڵێكی كاریگەریشیان لە شۆڕش و رووداوە سیاسییەكاندا گێڕاوە و نموونەی خەبات و قوربانیدانبوون لەپێناو كوردستان.

‎دەشڵێت، یەكێتیی نیشتمانیی كوردستان بە پێزانینەوە لەو مێژووە درەوشاوەیە دەڕوانێت و لەبەرامبەر هەوڵ و ماندووبوونیان سەری رێزدادەنەوێنێت، بەرگریكردن لە ماف و خواستی مامۆستایان بە ئەركی خۆی دەزانێت و دەستەبەركردنی ژیانێكی شایستە و سەقامگیر بەئەركی خۆی دەزانێت.