ساڵح موسلیم: تورکیا دەیەوێت بە هێرشكردن هەڵبژاردنەکانی ڕۆژئاڤا تێکبدات

کوردستان
576 جار خوێندراوه‌ته‌وه

بۆكس هەواڵ ـ

ساڵح موسلیم، هاوسەرۆکی پارتی یه‌كێتی دیموكرات (پەیەدە) رایگه‌یاند، هێرشەکانی تورکیا هەوڵێکه‌ بۆ تێکدانی هەڵبژاردنه‌كانی رۆژئاڤای كوردستان، ده‌شڵێت، "دەوڵەتی تورکیا زۆر لێبوردەیی نییە بەرامبەر بە هەڵبژاردن، بەڵام بە دڵنیاییەوە ئیدارەی خۆسەری باکور و ڕۆژهەڵاتی سوریا ئەم هەڵبژاردنە ئەنجام دەدات".

دوای ئەوەی ئیدارەی خۆسەری باکور و ڕۆژهەڵاتی سوریا ڕایگەیاند، كه‌ هەڵبژاردنی ناوخۆیی لە ناوچەکە ئەنجام دەدرێت، هەڕەشە و هێرشەکانی تورکیا بۆ سەر ناوچەکە زیادیان کرد و بێ وەستان بەردەوامن، لە ئەنجامی هێرشەکانی دوێنێ (31ی 5ی 2024) بۆ سەر ناوچەکە چوار شه‌ڕڤانی هێزەکانی سوریای دیموکرات (هەسەدە) گیانیان لەدەستدا و 11 هاوڵاتی مەدەنیش برینداربون کە لەنێویاندا ژن و منداڵ هه‌بون.

ساڵح موسلیم، هاوسەرۆکی پارتی یەکێتی دیموکرات (پەیەدە) لە لێدوانێکدا بۆ ئاژانسی هەواڵی فورات (ANF) سەبارەت بە هێرشە بەردەوامەکانی تورکیا بۆ سەر ناوچەکە، رایگه‌یاند، "هەڵبژاردنەکان بە ئامانجی زیاترکردنی خەباتی گەل لە هەرێمەکە بەڕێوەدەچن، تائێستا کەموکورتی هەبون، دەبێتە هەڵبژاردنێکی دیموکراتیک کە گەلان لە هەرێمەکە بەشداربون، ئەم هەڵبژاردنەی بەڕێوەدەچێت پەیوەندی بە کەسەوە نییە و راست نییە کە بەشێوەی دیکە هەڵبسەنگێندرێن". 

ئاماژه‌ی به‌وه‌شكرد، لە سەرتاسەری باکور و رۆژهەڵاتی سوریا یەکەم جارە هەڵبژاردنێکی بەم جۆرە ئەنجام بدرێت، لەبەر ئەوەشە هەندێک نیگەرانی ساز دەبن، هەڵبژاردنەکە بە شێوەیەکی دیموکراتیک و رون ئەنجام دەدرێن، هەروەها پێوانەکانی پەیماننامەی کۆمەڵایەتی کە پەسەند کراون، دەچەسپێندرێن، هەربۆیەش کەس مافی ئەوەی نییە سەبارەت بەو هەڵبژاردنە هیچ شتێک بڵێت، گەلەکەمان بە دڵخۆشیەوە دەچنە سەر سندووقەکانی دەنگدان.

ساڵح موسلیم سەرنجی بۆ سەر لێدوانی وتەبێژی وەزارەتی دەرەوەی ئەمریکا راکێشا و وتی، "لە راگەیەندراوەکەدا ئەوە خراوەتەڕو کە لە باکور و رۆژهەڵاتی سوریا بە گوێرەی بڕیاری 2254ی نەتەوەیەکگرتوەکان کەشێکی بەو جۆرە نەڕەخساوە، بە بەڕیاری 2254ی نەتەوەیەکگرتوەکان دەیانەوێت سەرنج بۆ سەر چارەسەری سیاسی رابکێشن، بۆچی لێدوانێکی بەو جۆرەیان دا؟ لەبەر ئەوەی پرسی هەڵبژاردنی ئاماژەبۆکراو لە رۆژەڤی دەوڵەتی تورکدایە و لەبەر ئەوەی ئەو پێشهاتە بە شێوەیەکی دیکە هەڵدەسەنگێنن لێدوانێکی بەو جۆرەیان داوە". 

ئه‌وه‌شی خسته‌ڕو، "دەوڵەتی تورکیا چەندین رۆژە دەڵێت، کە ئەمریکا لە پشت ئەو هەڵبژاردنەوەیە، دەبێت کە دوای کاردانەوەکانی دەوڵەتی تورکیا لێدوانێکی بەو جۆرە دربێت، وتەیەکی دیپلۆماتیکە و ئامانجەکەش بێدەنگکردنی تورکیایە، بە گوێرەی هەلومەرجی باکور و رۆژهەڵاتی سوریا هەڵبژاردن ساز دەکرێت، بەبێ پشتیوانی و راوێژ بە هەندێک کەس ئەنجام دەدرێت".