پنتاگۆن: وه‌زیری به‌رگریی ئه‌مریكا توشی شێرپه‌نجه‌ بووه‌

جیهان
343 جار خوێندراوه‌ته‌وه

بۆكس ھەواڵ ـ 

لوید ئۆستن، وه‌زیری به‌رگریی ئه‌مریكا تووشی شێرپه‌نجه‌ی پرۆستات بووه‌و دوای هه‌فته‌یه‌ك مانه‌وه‌ی له‌ نه‌خۆشخانه‌، نه‌شته‌رگه‌ریی بۆ كراوه‌.

پاتریک رایدەر، وتەبێژی وەزارەتی بەرگریی ئەمریکا - پێنتاگۆن، لەبارەی نەخۆشییەکەی وەزیری بەرگرییەوە، راپۆرتی پزیشکەکانی پشتڕاست کردەوە بەوەی ئۆستن شێرپەنجەی پرۆستاتی هەیە و لە نەخۆشخانە چارەسەری وەرگرتووە. 

 راپۆرته‌ پزیكشییه‌كانی ئه‌مریكا ده‌ڵێن كه‌ شێرپەنجەکەی وەزیری بەرگری لە قۆناغی سەرەتاییدا بووەو نەشتەرگەری بۆ کراوە و گرێکە لە جەستەی دەرهێندراوە و ئێستاش "لە دۆخێکی زۆرباشدایە".

ئۆستن تەمەنی 70 ساڵه‌و بەهۆی ئەوەی بەرپرسانی کۆشکی سپی ئاگادار نەکرابوونەوە له‌وه‌ی وەزیری بەرگری سێ رۆژ بووە سەردانی نەخۆشخانەی کردوە و چارەسەری وەرگرتووە، رەخنەی لێگیرا، دواتر ئه‌و وەزیره‌ له‌ راگه‌یه‌ندراوێكدا داوای لێبووردنی لە ئیدارەی بایدن کرد كه‌ ده‌بوایه‌ ئیداره‌كه‌ی له‌ دۆخی ته‌ندروستیی خۆی ئاگادار بكردایه‌ته‌وه‌.