بۆکس هەواڵ ـــ

وەزارەتی دارایی عێراق ئاماری داهات و خەرجییەکانی هەشت مانگی ڕابردووی بڵاوکردەوە، کەکورتهێنانێکی زیاتر لە 5 تریلیۆن دیناری تێدا تۆمارکراوە. لەو ماوەیەدا بەغداد زیاتر لە 7 تریلیۆن دیناریبۆ هەرێمی کوردستان ناردووە.

🔹داهات و خەرجییەکان

بەگوێرەی ئامارەکان، لە هەشت مانگی یەکەمی ئەمساڵدا:

کۆی گشتیی داهات: 82 تریلیۆن و 377 ملیار دینار بووە.

🔹کۆی گشتیی خەرجی: 87 تریلیۆن و 474 ملیار دینار بووە.

کورتهێنان: 5 تریلیۆن و 97 ملیار دینار بووە.

پشکی شێری نەوت لە داهاتدا

داهاتەکانی عێراق بە ڕێژەیەکی بەرچاو پشتی بە نەوت بەستووە:

داهاتی نەوت: 73 تریلیۆن و 821 ملیار دینار (ڕێژەی 90%).

داهاتی نانەوتی: 8 تریلیۆن و 555 ملیار دینار (ڕێژەی 10%).

🔹پارەی هەرێم لە بەغداد

لە چوارچێوەی پەیوەندییە داراییەکانی نێوان هەولێر و بەغداد:

پارەی نێردراو بۆ هەرێم: بەغداد 7 تریلیۆن و 288 ملیار دیناری بۆ هەرێمی کوردستان ناردووە.

داهاتی هەرێم بۆ بەغداد: هەرێمی کوردستان 679 ملیار و 346 ملیۆن دینار داهاتی نانەوتی ڕادەستیبەغداد کردووەتەوە.

🔹مووچە زۆرترین خەرجییە

لە کۆی گشتیی خەرجییەکان، بڕی 60 تریلیۆن و 887 ملیار دیناری تەنها بۆ مووچەی فەرمانبەران،خانەنشینان و چاودێریی کۆمەڵایەتی بووە.