بۆکس هەواڵ ــــ

جەنگیز چاندار، پەرلەمانتاری پارتی یەکسانی و دیموکراسی گەلان دەم پارتی، لە لێدوانێکدا بۆ میدیاینزیک لە پەکەکە، ڕەخنەی توندی لە شێوازی بەڕێوەچوونی پرۆسەی چارەسەری پرسی کورد گرت وڕایگەیاند: سەرەڕای گوتارە ئەرێنییەکان، پرۆسەکە هێشتا لە قۆناغێکی زۆر سەرەتاییدایە و هیچهەنگاوێکی کردەیی نەنراوە.

چاندار ئاماژەی بەوەدا:  تەنانەت لە یەکەمین پەرەگرافی سەرەتاداین و دوودڵیی لایەنی دەوڵەت هۆکاریسەرەکی ڕاوەستانی پرۆسەکەیە.  گوتارەکانی ئەردۆغان هیوای زیندوو کردەوە، بەڵام بڕیاری ڕەتکردنەوەیسکاڵای سەڵاحەدین دەمیرتاش لە دادگای مافی مرۆڤی ئەوروپا وایکردووە گومان لە پێشکەوتنەکەدروست بێت.

سەبارەت بە کۆمیسیۆنی پاڵپشتیی نیشتمانی، برایەتی و دیموکراسی لە پەرلەمان، چاندار وتی: کۆمیسیۆنەکە هێشتا تەنیا تۆپ لە ناوەڕاستی یاریگا دەگوازێتەوە و کاری سەرەکیی خۆی نەکردووە.

پەرلەمانتارەکەی دەم پارتی وتیشی: ئەرکی سەرەکی کۆمیسیۆنەکە بریتییە لە دانانی چوارچێوەی یاساییبۆ گەریلاکانی پەکەکە وەک رێکخراوی هەڵوەشاوە بۆ ئەوەی بگەڕێنەوە ناو ژیانی سیاسی و کۆمەڵایەتیتورکیا.

پەرلەمانتارەکەی دەم پارتی ڕوونیشیکردەوە: دەستپێکی پرۆسەکە ناگەڕێتەوە بۆ تەوقەکردنی باخچەلی وبەرپرسانی دەم پارتی لە 1ی تشرینی یەکەمی 2024، بەڵکو دەگەڕێتەوە بۆ قۆناغی تورگوت ئۆزاڵ لە ساڵی1993 و کۆبوونەوەکانی ئۆسلۆ 2009-2011، کە دەوڵەت خۆی تێیدا ئامادە بووە.

جەنگیز چاندار وتوشیەتی: جگە لەم پڕۆسەیە هیچ ئامراز و بەرنامەیەکمان بۆ چارەسەری پرسی کورد نییەو داوای کرد پرۆسەکە خێراتر بێت.