عه‌لی حه‌مه‌ساڵح: 100% ئه‌مساڵ دوو موچه ده‌فه‌وتێت
کوردستان
بۆکس هەواڵ ــــ
ئه‌مڕۆ شه‌ممه، عەلی حەمەساڵح ئەندامی پەرلەمانی کوردستان له كۆنگره‌یه‌كی ڕۆژنامه‌وانیدا ڕایگه‌یاند، "ده‌بو چوارشه‌ممه‌ی ڕابردو 120 ملیار دینار له لایه‌ن هه‌رێمی كوردستانه‌وه ڕه‌وانه‌ی به‌غدا بكرێت، به‌ڵام تائێستا داهاتی شاره‌كانی سلێمانی، هه‌ولێر و دهۆك كۆنه‌كراوه‌ته‌وه و ئه‌وه‌ش وایكردوه ناردنی پاره‌كه دوابكه‌وێت."
وتیشی، ده‌یانه‌وێت 27 و 28ی مانگ پاره‌كه ڕه‌وانه بكه‌ن، 100% موچه‌ی دو مانگی ئه‌مساڵی موچه‌خۆران ده‌فه‌وتێت خوابكات نه‌بێته سێ موچه.
ئاماژه‌ی به‌وه‌شكرد، ترسی له‌وه هه‌یه له‌دوای به‌ڕێوه‌چونی هه‌ڵبژاردنی په‌رله‌مانی عێراق دۆخێك له عێراق بێته كایه‌وه و ئه‌وكات كێشه‌ی دیكه بۆ موچه‌ی موچه‌خۆران دروستببێت.
عه‌لی حه‌مه‌ساڵح پێشتر له لێدوانێكدا باسی له‌وه‌كردبو، كه محه‌مه‌د شیاع سودانی، سه‌رۆك وه‌زیرانیعێراق به وه‌زیره‌كانی كوردی وتوه كه چیتر ناردنی پاره‌ی موچه پێویستی به بڕیاری ئه‌نجومه‌نی وه‌زیراننیه، بۆیه مانگانه 120 ملیار دیناره‌كه ڕه‌وانه بكه‌ن و هه‌نارده‌كردنی نه‌وت به‌رده‌وام بێت له به‌رامبه‌رداپاره‌ی موچه ڕه‌وانه ده‌كرێت.
