باش ده‌زانن كه یه‌كێتی ده‌توانێت رووبه‌ڕووی ته‌حه‌دییاته‌كان بێته‌وه
کوردستان
بۆکس هەواڵ ـــــ
قوباد تاڵه‌بانی‌كۆتا رۆژی بانگه‌شه‌ی ھه‌ڵبژاردنی ئه‌نجومه‌نی نوێنه‌رانی عێراق لە پەیامیێکدا رایگه‌یاند، کە ئه‌م بانگه‌شه‌یه بۆ په‌رله‌مانی عێراقه و پرسه هه‌ره گرنگه‌كانیش وه‌ك پرسی (بودجه، مووچه و بژێوی ژیان،كاروكه‌سابه‌ت و سه‌قامگیری سیاسی، ئه‌منی و ئابووریتان) له‌وێ یه‌كلاده‌كرێنه‌وه.
دەشڵێت، له چوارچێوه‌ی جه‌وله‌كانم له سنووری پارێزگای هه‌ولێر، مه‌خمور، رانیه، كۆیه، سۆران وباڵه‌كایه‌تی خه‌ڵكم بینی كه نیگه‌رانن، ناڕازین.
ئەوەشیخستۆتەڕوو، بینیم ئه‌م دۆخه ناله‌باره سیاسییه‌ی نێوان هه‌رێم و به‌غدا چه‌ند كاریگه‌رییه‌كی خراپی هه‌بووه له‌سه‌رژیان و گوزه‌ران و كار و كاسبی هاوڵاتیان.
ئاماژەی بۆ ئەوەشکردووە، باش ده‌زانن كه یه‌كێتی ده‌توانێت رووبه‌ڕووی ته‌حه‌دییاته‌كان بێته‌وه وخه‌مخۆری راسته‌قینه‌ی كۆمه‌ڵانی گه‌لی كوردستانه.
قوباد تاڵەبانی لە پەیامەکەیدا باسی لەوەشکردووە، رووی ده‌مم له ناڕازییه‌كانه و پێیانده‌ڵێم بێ ئومێدمه‌بن. یه‌كێتی ئه‌مڕۆ حزبێكی نوێیه، حزبێكی یه‌ك ده‌سته و سه‌رۆكێكی به‌هێز و خاوه‌ن به‌ڵێنی خۆی وبه‌وه‌فای هه‌یه.
ئەوەشی وتووە، یه‌كێتی سه‌رۆكێكی هه‌یه كه توانیویه‌تی وا بكات یه‌كێتی ببێته تاكه حزبی كاریگه‌ر له به‌غداكه رێزی لێده‌گیرێت و قسه‌ی ده‌خوا و بڕیاری پێده‌درێت.
لە کۆتاییدا جەختی لەسەر ئەوە کردۆتەوە، یه‌كێتی هاتووه‌ته‌وه مه‌یدان و به‌هێز بووه‌ته‌وه، یه‌كێتییه‌خۆشه‌ویسته‌كان و ده‌نگه ناڕازییه‌كان یه‌كبگرن و بچنه سه‌ر سندوقه‌كانی ده‌نگدان و په‌یامێك بگه‌یه‌ننه‌ئه‌و كه‌سانه‌ی كه بووبوون به هۆكاری تێكدانی ئه‌م زروفه‌ی هه‌رێم و پێیان بڵێن.
