بۆکس میدیــــــاــــــــ

عەباس عێراقچی، وەزیری دەرەوەی ئێران، لە وەڵامی هەڕەشەکانی بنیامین ناتانیاهۆ، سەرۆکوەزیرانی ئیسرائیل، ڕایگەیاند کە دوایین جار کە هەوڵیان دا "ئەرکەکە تەواو بکەن"، ئێران بەهێزتر هاتە دەرەوە و پرسیاری لەوە کرد کە ئایا دەتەوێت جارێکی تر بەختتان تاقی بکەنەوە، و هۆشداریی دا کە ئێرانیش ئەرکی هەیە و هێشتا تەواو نەکراوە.

پەیامەکەی عێراقچی لە تۆڕی کۆمەڵایەتیی ئێکس ،عەباس عێراقچی لە سەگۆی (ئێکس) نووسیویەتی: "دوایین جار کە هەوڵتان دا 'ئەرکەکە تەواو بکەن'، ئێران بەهێزتر هاتە دەرەوە، دەتانەوێت جارێکی تر بەختتان تاقی بکەنەوە؟ فەرموون. بەڵام ئاگاداربن: ئێرانیش، ئەرکی هەیە هێشتا تەواو نەکراوە."

وەزیری دەرەوەی ئێران لە درێژەی پەیامەکەیدا تیشکی خستە سەر هەڵوێستی سەرۆکوەزیرانی ئیسرائیل و ڕایگەیاند کە ناتانیاهۆ ئەمریکا بەرەو شەڕێکی دیکە دەبات بە مەبەستی ئەوەی نەچێتە زیندانەوە، بە بێ گوێدانە ئەو دەرئەنجامانەی کە ڕەنگە بەسەر ئیسرائیلدا بێت، ئەوە جگە لە سەرۆکی ئەمریکا.