بەهادلی ڕاشیگەیاند، بە پشتگیریی دادگا، توانیویانە هەزار و ٧٨٠ تۆڕ و باندی بازرگانیی ماددەی هۆشبەر هەڵوەشێننەوە و ١٩٠ سکاڵای نێودەوڵەتی بۆ دەستگیرکردنی بازرگانانی ماددە هۆشبەرەکان تۆمار کراون و نزیکەی ٣٨٠ بڕیاری لەسێدارەدان بۆ تۆمەتباران دەرچووە و هەزار و ٥٠٠ سزای زیندانیکردنی هەمیشەیی بەسەر تاوانباراندا سەپێنراوە.

 لە بارەی لایەنی مرۆیی و چارەسەرکردنی تووشبووانەوە، بەهادلی ڕایگەیاند، کە ١٦ ناوەند بۆ چارەسەرکردنی ئاڵوودەبووانی ماددە هۆشبەرەکان دروستکراون و تاوەکو ئێستا زیاتر لە نۆ هەزار و ٥١٩ ئاڵوودەبووی لەخۆگرتووە،وتیشی، ئامارەکانی ئەم بەڵایە، بە جۆرێک لە جۆرەکان تەواوی چین و توێژە جیاوازەکانی عیراقی دووچاری ئاڵودەبوون کردووەتەوە.

 سەبارەت بەوەی کە ئاڵوودەبوون هەموو توێژەکانی گرتووەتەوە، باسی لەوەکرد، لەو ژمارانە ١٠ کەس کە خاوەنی بڕوانامەی ماستەرن، دووی دیکەش دکتۆرن، لە هەمانکارتیشدا ٢٤٠ کەسی تر خاوەنی بڕوانامەی بەکالوریوس و ١٠٧ـی تریش هەڵگری بڕوانامەی دیپلۆمن و پێنج هەزاری تریش فەرمانبەرن.