بۆکس هەواڵ ــــــ

کونسوڵخانەی ئەمریکا لە هەولێر، رایگەیاند، پێویستمان بە کارمەندە بە مووچەی زیاتر لە 40 هەزار دۆلار.

کونسوڵخانەی ئەمریکا لە هەولێر، ئەمڕۆ شەممە، لە راگەیەندراوێکدا بڵاویکردەوە، پێویستمان بە کارمەندە لە بواری (میکانیک و ئاو و ئاوەڕۆ).

دەشڵێت، ئەو کەسانەی وەردەگیرێن لە بینای نوێی کونسوڵخانە لە هەولێر کاردەکەن، مووچەی ساڵانەی دیاریکراو بریتییە لە 40 هەزار و 456 دۆلار و مانگانە دەکاتە زیاتر سێ هەزار و 300 دۆلار.

باسلەوەشدەکات، ماوەی دەوامی کارمەندەکە هەفتانە 40 کاتژمێر دەبێت و پرۆسەی پێشکەشکردنیش بە شێوازی ئۆنلاینە، داواکاران دەتوانن لە 16ی شوبات تا 2ی ئازاری 2026 سیڤییەکانیان بنێرن.