عێراقچی وهڵامی تڕهمپ دهداتهوه: كۆنتڕۆڵكردنی پاره بلۆككراوهكانمان پشێوی دروستدهكات
جیهان
بۆکس میدیاـــــــــ
عهباس عێراقچی وهزیری دهرهوهی ئێران ئهمڕۆ ههینی ڕایگهیاند، دهستبهسهرداگرتنی سهروهت و سامانی وڵاتێكی دیكه بۆ بهكارهێنانیان بۆ یهكلاییكردنهوهی داواكارییهكانی داهاتوی ناپهیوهندیدار "مهترسیدار".
عهباس عێراقچی لهپهیامێكدا بڵاویكردهوه، "ئهوانهی ئاههنگ دهگێڕن یان ههوڵدهدهن سود لهم پارانه وهربگرن، پێویسته ئهوهیان لهبیر بێت كه كاتێك حكومهتهكان دهستبهسهرداگرتن ئاسایی دهكهنهوه، سهروهت و سامانی كهس جارێكی دیكه سهلامهت نابێتهوه، ئهو ئاژاوهی كه له ئهنجامدا دروستدهبێت نه جوان دهبێت و نه ئاشتیخوازانه".
ئهوهشیخستهڕو، "دهستبهسهرداگرتنی سهروهت و سامانی وڵاتێكی دیكه بۆ بهكارهێنانیان بۆ یهكلاییكردنهوهی داواكارییهكانی داهاتوی ناپهیوهندیدار مهترسیداره و گرژیهكانیش زیاتردهكات".
ئهمهش له وهڵامی لێدوانهكانی دۆناڵد تڕهمپ سهرۆكی ویلایهته یهكگرتوهكانی ئهمریكا دێت كه ڕایگهیاندبو، "ههر زیانێك به كهشتی، بار، یان كهلوپهلی پهیوهندیدار بگات، لهمهودوا تا ئاگاداركردنهوهی زیاتر، له پارهی ئێرانی كه خاوهندارێتی و كۆنترۆڵكردنی لهلایهن ویلایهته یهكگرتوهكانی ئهمریكاوهیه، خهرجدهكرێت".
